Sondje
Dji sèreû on mouchon,
Dji gripereû aus nûléyes
Scroter dès djoûs d’ bon
Po s’ laudje nitéye.
Dji sèreû on sauvèrdia
Aus plumes d’èsté,
Dj’ireû qwêre li solia
Po nos l’ mète su l’ costé.
Dji sèreû on tirliri
Potchant d’one coche à l’ôte
Dj’agripereû m’ nid
A vosse fènièsse, sins onte.
Mins dji n’ so qu’on mwaîs scrîjeû,
Qu’a dès vîs sondjes plin s’ tièsse,
Qui vôreût co fé fièsse,
Èt qui n’ sét catchî sès peûs.