Sol fôre
E l’ roumeure del fôre del Sint-Pire,
K’ assourdixh co ene feye tot l’ Martchî,
Hertchant li smele, pitant tchaeke pire,
Li flouxhe si winne, come fortcherdjeye.
A schate soleve-t on co l’ påpire,
Esblåwi d’ glinglan bonmartchî,
E l’ roumeure del fôre del Sint-Pire,
K’ assourdixh co ene feye tot l’ Martchî.
Mins vla k’ on-z-a candjî s’ påpire :
Po on tchén d’ croye, po s’ portrait raetchî,
On djete des aneas a l’ avire
Et s’ trouve-t on a l’ nute ebåtchî
E l’ roumeure del fôre del Sint-Pire,
Note Wikisourd
Boket eplaidî pol prumî côp dins La Semaine do 10 di djulete 1926 (e Feller timprou ?).