So l’ fôre
O roumwar dol fôre dol Sint-Pîre,
K' assoûrdih c' one fî tot l’ Martchî,
Hértchant lu s'mèle, pitant chake pîre,
Lu flohe su wéne, come fortchèrdjî.[1]
À hate soulîve-t-on co l’ pâpîre,
Èsblâwi d' glinglan bon martchî,
O roumwar dol fôre dol Sint-Pîre,
K' assoûrdih c' one fî tot Martchî.
Mès v'là k' on-z-a candjî s' pâpîre :
P' on tchin d' crôye, po s' portrêt rètchî,
On djète dès-anês à l' awîr
Èt s' troûve-t-on à l' nut' èbâtchî
 roumwar dol fôre dol Sint Pîre.
Notes Wikisourd
- eplaidî pol prumî côp dins La Semaine do 10 di djulete 1926 (Feller timprou?)
- l' ortografeye cial, c' est l' cene di L'oeuvre poétique wallonne de Henri Bragard, SLLW, Lidje, 2008, p. 77.
Pî-note