Sins twè
Qui sèrins-gn' div'nous sins twè
E l' coulêye dès disseûlés,
Ås-aguêts, al cwène dè bwès,
Come on djône chèvreû traqué ?
Qui sèrins-gn' div'nous sins twè
E nosse mohone sins solo,
Come on corti sins bon bwès,
Come on pièrdou qui cwîrt co ?
Qui sèrins-gn' div'nous sins twè
Qu'a rimpli d' djôye nos deûs coûrs,
Qu' a fêt dè prij'nî on rwè,
Twè, l' pus bèle tchonson d' amoûr ?
Qui sèrins-gn' div'nous sins twè
Qu'acoréve nos rèscontrer ?
On djoû, c' èst twè qu' nos l' dîrè,
Twè qu' loukéve deûs fous s' êmer.