Rantwèle 0.5: les dêrinnès codûwes

Èn årtike di Wikisource.
Ciste ouve ci egzistêye eto divins ds ôtès ortografeyes : Rifondou 2022.
Li cwarnêye des novèlès tècnikes
Li Rantwèle  0.5,

On put cåzèr did ttafwêt è walon, èt, cwand onz esst a stok, on fwêt come tertos: on djåze è francès. Oyi, mins, i fåreut ddjà k’i fwixhe sipès po les Rantwèlîs yèsse an rak, da, zèls.

Li cwarnêye des novèlès tècnikes

Les ôtostrådes åzès novèles

Polygram. Cnoxhoz bin, don? C’esst one sorsoce[1] da Philips ki fwêt dins les disses èt les tchansons. Èt bin, vo les là ki s’ vlèt lancèr dins l’ cinéma èto, là, zèls. Paski pocwè? Todi l’idêye ki les ôtostrådes åzès novèles (autoroutes de l’information), ci sèrè onk des grands martchîs did dimwin. K’on pôrè z acatèr, mètans on film longue-bobine so one diskète di 3.5 peûces èt s’ li rloukèr bin påjhûlmint so s’ copiutrèce di måjhon. Li ci ki vicrè vièrè bin!

Li cwarnêye dèl syince

Dj’a rtrovè on dinozôre vicant!

C’est sk’il åreut polu dîre li forestî d’Åstralîye k’a tchèyu so one sôr d’åbe k’on comptéve mwate dispûs 300 miyons d’annêyes, do tins des dinozôres. Li pin d’ Wålimi, come on l’a lumè, c’esst one arocarièce, s’apinse li sincieû, ça vut dîre à tchvå ètèr les sapins èt les fètchîres[2]. Comint k’ ça s’ fwêt ki sacwants bodjes ont polu sorvikèr låvå, dins on ptit streut vå[3] à 500 km di Sidney? Gn a fok ki les botanincieûs po nos ènnè dîre li fin mot. Ki: i n’ fåt nin rovyî k’ ça a stî trovè dins one cruwe èt tchôde aforèt[4] wiski les candjmints d’ cruweûr èt d’ tchaleûr ont dvu zèsse minimissîmes so tos ces ans èt ces razans là. On n’a nin dit uski c’esteut å djusse, po les hanteûs n’ nin dalèr kèrnachî les schwaces avu leûs coûrs èt leûs flèches.

Note Wikisourd

Eplaidî so foyes agraptêyes, et evoyî a ene vintinne di djins e moes d' fevrî; divins l' mwaisse tecse, gn aveut ces ratournaedjes ci e francès:

  1. filiale
  2. fougères
  3. vallée
  4. forêt tropicale humide