Dumandeû (Dm) : Èt vous djîz k’ a trwâs djoûrs, la mére ralot dèdja a l’ èglîje ?
Fraziye Dèfossé (F.D.) : Abin non, cand‿minme, hin. Ça dèpand çk’ elle avot yu come acoûtchmint. Èt mi, come ç’ astot des fwârts acoûtchmints,...
Dm. : Vs astîz co odêye, vous ? Vous n’ savîz aler a l’ èglîje ?
F.D. : Non, dju ratindo toudi in mwès, mi, pou-z î aler, pasku…
Dm. : Èt après, les prèmîs côⁿps k’ on rva a l’ èglîje, i gn è yauk, û dju n’ sé cwè, non ?
F.D. : Bin, tu pus circuler, cwè, k’on djot. (…) Bin on put nnaler, cwè. On put sortu avu les‿èfants. Pasku dvant, tu n’ auros nin sortu pou bin gros.
Dm. : Comint, ça ?
F.D. : Bin on n’ aureut nin sortu duvant d’aler a l’ èglîje avu l’ èfant.
Dm. : Li prumî cônp k’ on rsortot, i falot aler a l’èglîje avu l’ èfant ?
F.D. : …avu l’èfant… lîre l’ èvanjile Sint-Jan.
Dm. : Et ç’ astot a messe, û ç’ astot tout seûs.
F.D. : Tout seûs : la mére, avu l’ èfant èt l’ curé, mafwè. Èt i vnot l’ bèni, la.
Dm. : Ç’ astot nin l’ batème, ça ?
F.D. : A ! non ! l’ batème su fjot trwâs djoûrs après.
Dm. : Comint k’ ça s’ loumot ? Ça n’ avot pont d’ nom, ça, cand la mére ralot poul prèmî côⁿp a l’ èglîje ?
F.D. : N’ sé pus, mi. Dj’ sé pus … comint ?
Dm. : Lu prèmî voyadje ku la mére fijot…?
Aline Brolet (A.B.) : Lu prèmî voyadje ku la mére fijot, après l’ acoûtchmint, bin ç’ astot raler a l’ èglîje – dj’ î ê sté avu mes trwâs‿èfants, mi – èt mossieû l’ curé rbènichot les‿èfants, la. (...) Ây, ç’ asteut lu rluvadje. Ça s’ loumot lu rluvadje.
Dm. : Lu rluvadje û les rluvêyes ?
A.B. : Û les rluvêyes, c’ est l’ minme, don. Ç’astot l’ prèmî voyadje ku la mére rufjot, ç’ astot nnaler a l’ èglîje.
cassete di respondas limero 5B, ki date do moes d' octôbe 1994.