Qui t’es bèle !
On djonne poéte di Djanbe, avou si p’tite comére
Si pormwinr’neûve al brune, aviès li Trô Pierdu.
I s’avinn’t dèdjà fait totes les p’titès maniéres
Qu’on s’ fait tortos voltî quand on n’est nin vèyu.
Pont d’ lune ni pont di s’twales ossi fieûve-t-i fwârt sonbe ;
(Po les djonnes amoureûs, c’est l’ pus grand des plaijis
Po s’ fé leûs mariminses, is aim’nut d’èsse à l’onbe).
Tot d’on côp l’ lune si lève et fait r’lûre tot l’ payis…
Nosse poéte asbleuwi waite li lune et s’arète
— Qui t’es bèle, qui t’es bèle, dist-i su tos les tons,
Pinsant qu’ c’est d’lèye qu’i cause, li bauchèle lî rèspont :
— Dj’èsteûve cint côps pus bèle d’vant d’awè les ploquètes !
J. D.