Quî cila pout-i esse ?
Riv’nant d’â câbaret wiss qu’il a passé s’sîse,
Tos oïant copenner di bleuve, di roge et d’grîse,
Colass dispiète si feumme et dit : — Nanesse, houtez,
I fâ qui ji v’confeie çou qu’on vint d’raconter ;
On a dit tot à st’heure qui po tot noss vinâve,
I n’iat qu’ine homme qui n’seuie… — Lèïz-me doirmi, haiâve.
— Qu’onk qui n’seuie nin… v’savez. — Mi ji n’vis comprind nin.
— I n’iareut qu’onk c’est drole, qui v’sonne-ti ? — N’mi sônne rin.
Mais vla qu’i mette so s’front ses deugt. Alôrss Nanesse
Tot tûzant li respond : — Qui cila pout-i esse ?