Quî vout-oyî ine bèle pasquèye

o.n.c.

rortografiaedje da Jean Haust

diviè 1650

Quî vout-oyî ine bèle pasquèye

{{c|<poem>Quî vout-oyî ine bèle pasquèye
qu'èst faite so totes cès djônès fèyes,
qui n' savèt kimint si braguer
po lès djônes-omes mî atraper?

Nos parol'rans di cès braguerèsses,
prumî so l' mèteure di leû tièsse :
ille aront mèyès hinkin'rèyes
po ravizer mî ine djône fèye.

Ille aront dès bèlès bètchètes
èt dès par'mints faits à rôzètes ;
si f' aront dès bèlès cwafeures,
qui tint so leû tièsse come on meur.

Si f'aront-èle dès fièrs d'ârdjint
èt dès guingons qui vont si bin,
èt lès-awèyes, por zèles grèter,
qui sont faites de fièr sitainé.

Ille aront lès dj'vès so leû front
qui sont plakîs d' cole dè pèhon;
si f' lès f'ront-èle acomôder
à p'tits-onês po mî aler.

Qwand 'le n'aront nin dès dj'vès assez,
dès mustatches ille iront at'ter
Èt s'è f'ronf-èle dès bês lotchèts
tot-ainsi qu' dès fâssés valèts.

Lès surcis sont si bin tapés
èt leû vizèdje si bin fârdé,
qu'èst tot tchèrdjî di neûrès tètches !
Vos dîrîz : u V'la totès mohètes ! »