Quî ç’ qu’a dët

s.d.

P. Charlier, Fleurs dialectales (La Propriété Terrienne),
Rèlîs Namurwès, août 1974, Sofadi, Bruxelles

Quî ç’ qu’a dët
Qu’on r’toûnerot à poûchêre,
Qu’on r’moucherot è têre ?
Quî ç’ qu’a dët
Quë l’ vint sèrot on linçoû
Po nos-èpwârter on djoû ?…

Quand t’ènn’îrès
Në të r’toûne nî
Djë bacherè lès-oûy
Po co t’ veûy mia !…

Ës polenèt t’èmin.ner,
Ës polenèt t’alon.yî,
Ës polenèt prinde tès nêts,
Të rauyî foû d’ nosse lét,
T’èpwârter foû d’ nosse cwète,
T’èssèrer dins-r-one vële,
Ou co t’ piède dins-r-on bwès…

Quand t’ènn’îrès
Në të r’toûne nî,
Djë bacherè lès-oûy
Po co t’ veûy mia !…

Të vëkes co dins mès nêts,
Së lèdjêre së më spale.
Djë sondje co, tot conte twè,
Tès brès lon.yîs à m’ cô.
Èt dj’ètindrè todë
Come lë tchanson d ’nos bètch,
Së piède dins nos cwârps djës.

Ciste ouve cial est eplaideye so Wikisourd dizo l’ licince : Creative Commons Attribution-ShareAlike 3.0 Unported.