Prumire lette da Paul aux djins di Corinthe/XVI
XV
1. Po li collèk po les Saints, fioz voz ossi comme dja oblidjî les èglises del Galatie.
2. Qui chak di voz, li prumî djoû del samwinne mette di costé su qui pou suvan ses moyins po nin ratinde qui djarrive po fé les colleks.
3. Et quand dji sèrè vnu, djèvouyrè avou des lettes les çis qui voz auroz admettus po pwarter su qui voz avoz dinné à Jerusalem.
4. Si ça vaut les pwinnes qui djî vauye mi-minme, i front li voyadje avou mi.
5. Dji vairè addé voz quand djaurè truviersé li Macédoine, pasqui dji truvierséyrè li Macedoine.
6. Quitfye qui dji dimeurrè addé voz ou minme passer l’hivière po qui voz m’fioche minner la ou djirè.
7. Dji n’vou nin, çi côp-çi voz veuye en passant è dji vo^re bin dimorer one miète avou voz, si l’Bon Diè li vout bin.
8. Dji dimeurrè quand minme à Ephèse jusqu’à li Pintcoute,
9. pasqui one uche sa douviè à su qui dji fais, mins les ènmis sont bramin.
10. Si Timothée arriffe, fyoz qui n’auye nin peu addé voz, pasqui il est comme à l’ovradje dau Bon Diè.
11. Qui nuk nel mèprije. Raminol en paix po qui i vègne avbou mi, pasqui djèl rattins avou les fréres.
12. Quant au frére Apollos, djè lî a bramin d’mandé qui vauye addé voz è les fréres, min i na nin vlu li fé asteûre ; il irè quand il aurè li timps.
13. Dimorez fwar dins l’fwè, soyoz des fwars hommes.
14. Qui dins tos voz autes, tot si feye avou amour.
15. Dji voz ricmande co çossi, fréres : voz savoz qui li famile da Stéphanas est li dèbu di l’Achaïe è qu’elle sa mettu au servisse des saints.
16. Choûtoz bin ces djins-là è tos les çis qui fyè li minme ovradje.
17. Dji m’rafye qui Stéphanas, Fortunatus è Achaïcus soyèchent là ; i voz ont remplaçés quand voz n’estî nin là.
18. Avou zèls, dj'èsteu bin paujêre. I vos faut vîr voltî, dès djins parèys.
19. Les èglijes d’Asie voz dijè bondjou. Aquilas è Priçille avou l’èglije qui est din leu maujone voz saluwè.
20. Tos les fréres voz saluwè. Saluwov les onkes les aûtes pa on saint bètche
21. Mi saluwadje vint di m’mwins da mi, Paul.
22. Si onk ni ve nin voltî li Seigneûr, qui seuye « anathème » ! Maranatha.
23. Qui li grâce dau Seigneûr seuye todis avou voz.
24. Mi amour esse-t-avou voz tortos dins Christ.