Cisse pådje ci a stî coridjeye ey est l’ minme ki l’ sicanaedje.
— 73 —
SINNE XVI
POREA — EMILE
EMILE
Â! popa ! vos estoz dedja cial.
POREA
Tén, estoz vs la !
EMILE
C’ est l’ fwin ki m’ ratchesse.
POREA
Vos estoz må toumé, vosse mame est tårdowe po l’ dinner.
EMILE
(i mete si buze sol comôde et disfwait s’ paltot)
Oho ! Infén, nos ratindrans.
POREA (lét ene gazete)
I fårè bén edon.
EMILE
Est ç′ li gazete d’ ouy ki vos lijhoz la ?
POREA
Awè, l’ voloz vs lére ?
(i lyi stitche li gazete)
EMILE (i va padrî s’ pere)
Neni, c’ est seulmint po loukî a kéne eure ki c’ est l’ concert… aha… c’ est cial vola… c’ est a ût eures… come todi…
(Dadite vént cweri on drap e l’ comôde)
SINNE XVII
LES MINMES — DADITE
DADITE
 ! vos estoz cial, mi fi.
