Cisse pådje ci a stî coridjeye ey est l’ minme ki l’ sicanaedje.
— 44 —
EMILE
Et pocwè pinsez vs ?
DADITE (soriyant)
Vos n’ advinez nén ?
EMILE (serieus)
Ma fwè, neni, nén do tot !
DADITE (fenmint)
N’ avoz vs nén oyou ki madame Fordjeu m’ a dit k’ elle aléve å concert avou s’ feye ?
EMILE
Siya.
DADITE
Et k’ ele m’ a dmandé do disbåtchî m’ fi po vni avou mi ?
EMILE
K’ est çki çoula vout dire !
DADITE
Ô ! bén vos n’ estoz nén si malén k’ djel croereu savoz m’ fi. Madame Fordjeu m’ a fwait etinde assez clairmint, m’ shonne-t i, ki dji vs egadjaxhe a vni amon Ruth edon ; et vos pinsez bén, ki ci n’ est nén por leye k’ ele tént di vs vey la…
EMILE
Et po kî pinsez vs ?
DADITE (djoyeuzmint)
Po mamzele Hortense edon, c’ est åjhey a comprinde !
EMILE (incrédule)
Vos pinsez ki madame Fordjeu…
