Pådje:Théophile Bovy - Li grandiveuse, 1899.djvu/rif/38

Èn årtike di Wikisource.
Cisse pådje ci a stî coridjeye ey est l’ minme ki l’ sicanaedje.
— 37 —

POREA

Ki vs shonne-t i don Dadite ?

DADITE

Il est trop tård po co ndaler edon !

POREA

Dji n’ a nén co sôrti cisse samwinne.

GÅRNIR

I fåt sôrti, valet, sortot si vos voloz fé plaijhi a vosse feme, ca, ele mi djheut co torade ki les omes ni fjhèt k’ do djinner l’ semdi avå l’ manaedje.

DADITE

Cwand dj’ a dit çoula, c’ esteut por vos.

GÅRNIR

Djans djans, ni vnoz nén fé des complumints a Lambert, edon ; vos estoz trop vîs tos les deus po vs dire des doûs mots. (a Porea) Siya siya valet, c’ est k’ ele ni oize vis evoyî foû d’ cial, mins l’ semdi, totes les femes sont-st insi, Tonton m’ l’ a co dit torade, les omes djinnèt.

POREA

Dji m’ va ene gote avou Pire insi, savoz Dadite.

DADITE

Alez wice ki vos voloz !… Et l’ soper ?

POREA

Dji soprè torade… Estoz vs co måle ?

GÅRNIR

Ele n’ est måy ôtmint cwand dj’ so cial hin leye… djans, rote todi, ni t’ ebarasse nén.