Cisse pådje ci a stî coridjeye ey est l’ minme ki l’ sicanaedje.
— 23 —
POREA
Gn a-t i on drap d’ mwin ?
DADITE
Awè, awè.
POREA
Et d’ l’ aiwe po s’ laver ?
DADITE (vivmint)
E tonea al gotire, vos l’ iroz bén cweri vos minme surmint !
POREA (mokeu)
Awè, awè, ni bodjîz nén, madame !
(djesse a pårt tot sôrtant)
(i sôrt a droete)
DADITE
S’ on les leyive fé, i vs prindrîz po leu siervante dê, zels ! Ô ! les omes, ni m’ è pårlez nén !
(Emile rintere po l’ fond)
SINNE VI
DADITE — EMILE
DADITE
Hey vola m’ fi !
EMILE
Boune nute mame.
DADITE
K’ estoz vs timprou don m’ fi !
EMILE
(i disfwait s’ paltot et l’ va pinde å poite-mantea)
Å buro tos mes desséns estént fwaits, dj’ a dmandé s’ i n’ aveut pus rén, on m’ a dit k’ dj’ end aveu fwait assez po ouy, ki dj’ endè ralaxhe… et ma fwè dj’ a rivnou.
