Cisse pådje ci a stî coridjeye ey est l’ minme ki l’ sicanaedje.
— 19 —
GÅRNIR
Awè dj’ sai bén. Et mågré çoula, si vite k’ elle a stou marieye elle s’ a dxhombré do leyî la l’ mestî,
POREA (peneuzmint)
C’ est on pô di m’ fåte çoula.
GÅRNIR (riyant)
On est bén biesse hin, cwand on est djonne maryî.
POREA
L’ amour, hin valet.
GÅRNIR
Oyi. (tchantant) C’ est l’ amour l’ amour l’ amour
Ki fwait des boûketes å Pont ds Åtches.
Dji m’ endè va disk’ a pus tård. (rivnant so ses pas) I n’ a pus rén e nosse plate hin ? (i louke) Non, pus personne. — Disk’ a torade.
POREA
Awè Pierre. Arvey.
GÅRNIR (sôrtant tot tchantant)
L’Amour est enfant de Bohême
Qui n’a jamais connu de loi etc…
SINNE V
POREA — DADITE
DADITE (rintrant)
Est i evoye li bea Gårnir ?
POREA (serieus)
Dji n’ sai pocwè, mi, Dadite, ki vos vs dispitez tofer avou lu, savoz.
