Cisse pådje ci a stî coridjeye ey est l’ minme ki l’ sicanaedje.
— 20 —
DADITE
(va a l’ årmå prinde si banstea ås crompires)
Est ç’ mi ki m’ dispite ! Po kî m’ prindoz vs don vos ! Vos riyoz surmint ! Mi, m’ dispiter aveu Monsieu Gårnir ! Ki n’ pou dj’ dju må !
(elle vént peler ses crompires al tåve a droete)
POREA
Djans, vos vs kerlez todi eshonne, tchaeke feye k’ i vént cial.
DADITE (vivmint)
O ! dji n’ vis catche nén do dire ki djel hai çoula ! Dj’ inme mî ses talons k’ ses betchetes, dji l’ a dit torade a lu-minme.
POREA
Bén pocwè paret, Pierre est on bon valet. C’ est bon k’ vos avoz ene pike disconte di lu !
DADITE
C’ est ça, tinoz avou lu ! Vos froz hasse et roy !
POREA (rimetant ses usteyes)
Dji n’ vou nén tni avou lu, mins dji vôreus bén ki vos lyi fjhîxhe on pô pus d’ akeuy cwand i vént cial…
DADITE
I n’ a nou risse !
POREA
Vos fjhoz tofer ene mene cwand il est cial…
DADITE (di måle oumeur)
Ô ! dji n’ såreu fé d’ ôte !
