Cisse pådje ci a stî coridjeye ey est l’ minme ki l’ sicanaedje.
3.
On n'î tchét nin malaude l'ivyinr,
Gn'è pont d' microbes dussu l' târmac ;
Mês çu n'èst qu' maladîes dès gninrs,[1]
La cause d'in trawadje du stomac'.
Lu viadje dumeûre lu p'tit rawetê,
Dêrin d' nikéye, qu'è formougnè,
Lu vyinr du tère, lu warabê,
Lu ci qu'on 'nn' è d' keure du gougnè.
La vèye tanfule.
Come in r'naud qu'èst pris à l' lacîre,
Come ène sôlèye qu'è l' vinte plin d' bîre,
La vèye gonfule.
La vèye nos spotche.
Nos-èfants apurnèt s' causadje,
Sès-aladjes èt sès toûrsivadjes.
La vèye nos spotche.
La vèye nos k'boute.
Faut s' rassan.nè po lî rusponde.
Tos lès djins d' viadje su duvrint r'djonde.
I faut qu'on l' boute.
150
- ↑ (2) Iviêr, niêrfs, en wallon de Transinne. La nasalisation du wallon d'Arville conduit à des graphies rébarbatives: ivyinr (hiver), gninr (nerf), vyinr (ver), anfyinr (enfer).
