I sintnut les Bedots, eyet k’ il ont des brokes :
K’ i n’ sont nén la, po yeusses mougnî des lokes ?
Tins k’ les bierdjîs d’ leu ståve estént vudîs,
Il apougnnut leus biesses, les stronnnut å pus rade,
Et dins leus dints, pal pea d’ leu dos,
Les saetchnut sins låtchî dins l’ bos !
Les vîs Leus avént vint, do plan et d’ l’ algaråde,
Eyet del regalåde !
Sol tins k’ les tchéns fjhént leu niket,
Sin criyî gare els ont stronnés
Eyet n’ a nén onk k’ a schapé !
N’ a rén d’ si bea ki l’ påye ! inte payis k’ ele si fwaisse,
Mins dvant i fåt porshure, distrure pus d’ ene mwaixhe raece,
A stofer l’ progrès, l’ syince, k’ on voet co s’ adayî
Po rmete leu viye creyince al plaece !
Ki etertegnnut l’ brouye et l’ guere, etur payis,
Mågré k’ del guere les djins sont lasses !
Plaece, oneur, glwere, årdjint, i volnut tot saetchî,
I volnut spotchî l’ peupe, esse tot seus mwaisses, les losses !
Pa leus lwès et leus liårds, i n’ cachnut k’ plåye et bosses !
L’ påye, l’ droet, l’ ewalisté, d’ yeusses i n’ fåt nén l’ cachî !
L’ progrès, l’ råjhon, doevnut, leu fé guere sins låtchî.
El Marcote dins l’ gurnî.
’Ne Marcote esteut intrêye, on djoû setche come on clå !
Dins on gurnî pa on ptit trô !
Elle aveut yeu lontins må s’ vinte !
