Cisse pådje ci a stî coridjeye ey est l’ minme ki l’ sicanaedje.
LES FÅVES
di
J. LAFONTAINE.
LIVE I.
EL CRIKION EYET L' BIESSE NOERE.
On Crikion k' aveut tchanté,
Tot l’ esté,
Aveut[1] tcheu dins ’ne rude mizere,
Cwand l’ froedeur a stî dins l' air !
Nén on seu pitit boket,
D’ makêye ou bén d' crås stofé !
I dischind fwebe et malåde,
Dlé n’ biesse noere ès camaeråde,
Po lyi dmander a pruster,
Ene sacwè por lu viker,
Deus troes djoûs, ou bén ’ne samwinne :
— Dj' vo l’ rindrè n' vos fjhoz nén d’ poenne,
« Come chez l' prusteu vos rårez[2],
« Vos liårds eyet ls interets. »
— L' moende vice dins l’ tiesse del biesse noere :
C’ est k’ ele ni presse nén voltî !
