SO LES INVENCHONS DÈ SIÉKE.
Li ci ka lé vout lér — comme — vout beur qui a bu.
Puss — enn nè sé ti l’homme puss — kwîr-ti à sépu.
Ni m’âriz-ve nin compris ? Nenni ? J’enn a l’ideie,
Po l’pus sur ji vas don vis el dire èco n’ feie :
Li ci qu’a lé vout lére, comme vout beure qui a bu,
Puss è nnè sé-t-i l’homme puss qwire-t-i à sèpu.
Bin s’espliquer, v’ savez, fait todi bin s’ètinde,
Et ji tnéve comme di jusse à m’ poleur fer comprinde.
Du resse ni d’hant qui l’ vraie on l’ pout bin rèpèter :
L’ ci qu’ prind gosse à studî ni sâreut s’arrester.
Mais à tofér apprinde, qui n’ sét-i nin houie l’homme ?
I knohe li fond del mér et l’ haut dé cir tot comme
S’il y aveut pris s’ gîse. On invente divins tot.
C’est justumint là d’sus qui j’ compte vis dire quéque mot.
