sâkisses, qu’estît l’ câse, divins les choleurs, di totes sôrtes di maladeies, qui rascrâwît les gins d’âtoû d’là.
Li Grande-Bêche, qui tournéve âtoû de bin d’mon Pâquot, asteure li Pavillon d’ Flôre, puis s’kitwerchîve, tot leyant à l’dreute et à l’klainche main ine masse di cous-d’-sac, comme li Vesseie, les Cinq Sècrétes, Trâne è Cou, è Tracas, è l’Infair, Trô David, etc., jusqu’â pont d’bwès po wiss’ qu’on s’ rindéve à l’Bov’reie, n’est pus, po l’joû d’hoûïe, li mitant di çou qu'elle esteut ; li Quai des Pèheus lî a r’magnî on fameux boket ; mais tot l’arrestant è l’cisse dé Pitteurs, elle n’a rin pierdou, â contrâfe.
Li Fosse âx Faînes avou s’Calvaire et l’ Trô Tatenne-Oudon sont rèvolés ; li ralonguihèche dè l’rowe Jihan-d’-Jus-d’là-Moûse est batteie so leus trigus : deux, treus mâhîres, qu’on veut co po l’moumint so l’ gauche, enn’è sont l’ dierraine arotte[1].
Po côper court, on s’ fret co n’îdeie di çou qu’estît ces neûrs ârvôs, ces mâhaitîs rékoulisses, tot prindant s’ corège à deux mains po passer po l’ trô Bottin, Roteure, Mâssîte-Rouwalle (Beauregard), Térre-è-Bèche, Rôlaiw, Drî-les-Potîs, les trôs Rivoux et Maquet, Pwète-âx-Awes, Pitite-Bêche et même li cisse des Récolett’s, wiss’ qui nosse célèbe Grètry a v’nou â monde.
C’est là qui s’ rètrôklet asteure les k’tèïeus d’ bwès d’ lègne ; les r’sémieûs d’ suzettes ; les marchands d’ clikottes, d’ohais et d’vîx fiérs ; di sâvion ; d’allu-
- ↑ Arotte : vestige.
