mettes ; di pais d’ robettes ; les hovâtes ; les ôrféves di nutte ; les racoleus d’assiettes ; les pingneuses et les fileuses d’â Quai ; les joweus d’ôrs et d’marionnettes ; les maîsses di toûrniket ; les bankîs d’ fôre (joweus d’ tirous) ; les cisses qui d’net treus oûs po n’pèce, etc.
C’est d’vins ces streûtès rouwallettes, mâ aéraies, qui l’ solo n’ rischâffe mâïe, qui cropihet les èfans chaipieûs, kitwerchîs comme des nouk’s di chârnal et aksus di tote sôrt di mèhins, çou qui freut pinser qui Saint Mâkrawe est l’ patron dè l’ poroche ! Espèrans qu’à mâ pau d’ timps, ces s’tâs d’chins sèront d’molous ; ji pinse même què l’sèrît dispôïe ine bonne happaie dèjà, si les maîsses di ces bagnolles n’è r’sèchît pus d’ârgint tot les louwant à ces mâlhureux par samaine, qui des bais qwârtîs qu’on pâye treus meus d’avance, et ji creus qui personne ni les r’grettret.
Li deuzaime battihège dè pont dè l’ Bovreie, en 1843[1] et l’ trawaie dè l’ rowe Grètry aminît les prumîs cang’mints Jus-d’là-Moûse. Dè cottiège di mons Pâwlus, qu’on noumméve à l’ Cinse, on drovia l’ rowe Mèan, d’après l’ dièrrain Prince-Evêque di Lîge ; on fat li plèce Delcour, baptisaie ainsi dè no d' nosse fameux feû d’ posteûres qu’a fait l’ fontaine di Notru-Dame è Vinâve-d’Ile et l’cisse di Saint-Jhan, Foû-Chestai. Li rowe Jihan-d’-Jus-d’là-Moûse fourut faite foû d’ine pârteie dè même bin, comme li rowe
- ↑ Li prumî fout batti en 1834, mais i touma, po d’ner raison â spot qui dit qu’à Lîge tot s’ fait à deux feies.
