Nosse soçon Léon Cravatte

Èn årtike di Wikisource.
Aller à la navigation Aller à la recherche
Nosse soçon Léon Cravatte
Nosse soçon Léon Cravatte

Nosse soçon Léon Cravatte nu sårè pus v’nu ås raploûs d’ nosse soçe a Bèrtrès, il èst vôy pou toudi å grand raploû dès djins k’on fwêt leû timp s’ la tère. Bin chûr ku mwintes djins l’ ratindint lâ hôt, li k’êre counu long èt lådje, èt k’avot toudi in bon mot pou l’s ôtes.

I nous lêchrè l’ souvnir d’èn ome ki counichot come sa potche, l’istwâre du tous lès sints dou Paradis ; mês la cé k’i counichot l’ mî, c’êre d’abôrd la vîe d’ sint Hubêrt, ca i l’è conté dès mile èt dès mile côps, li k’è sté l’ rèputé guîde du l’ basilike du Sint Hubêrt, vint ans å long. Gadjons k’ tous lès cés k’ont passé a l’ basilike, nu l’ont jamwês roviyé, pace ku sès comantêres, k’astint mou bin- intèrèssants, êrint ç’ côp la fwârts plêjants ; i savot mète dès bons mots dins lès istwâres k’i contot, èt les paskêyes n’î mankint nin ; c’êre in vrê conteû, èt c’èst ça ki f’jot la ritchèsse du sès bokèts tchwâzis, k’i contot tous lès djoûrs ås djins ki visitint la basilike.7

Il inmot bin l’istwâre, mês ossi l’ walon pwîsk’il è vnu ou raploû a Bèrtès dupwîs lès prumîs timps du l’ Soce dès rcåzeûs d’ walon ; I nn-astot in fèrvant mambe k’on avot plêji a vèy. Gn-è trwâs ans, c’èst li k’avot animé la djoûrnêye d’èsté avu fournê a Sint Hubêrt, an nous f’jant l’ plêji a tourtous du nous fwêre visiter la basilike, dès cåves djusk’ås gurnîs (ène faveûr k’i gn-avot k’sès bons soçons ki la r’çûvint).

In grand mèrci Lèyon pou tout l’ plêji ku vous nous avez d’né, èt pou l’ savwâr su la vîe dès sints, ku vous nous avez d’né a partadjer.

Lès soçons n’ vous roviront nin !