Merci a vozôtes tertos

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Feller-Soverdeas.
Merci a vozôtes tertos
2016


Dazår, dj' a rexhou so tere a Lovén.
Mins mes raecenes potchnut foû d' Mélin,
On bea ptit viyaedje divant d' tchaire amon les Flaminds.
Dji vike a Djiblou, la ddjà bén lontins !

Dji maxhe mi walon avou l' ci d' avår la,
Mins po bén m' fé comprinde pa tertos,
Dji chiftêye co bén sovint des mots
Ki vs n' etindroz k' a Hamtea.

Dj' end apice a m' soçon Lucyin ki provént d' Florene,
Et a nosse mwaisse a tertos k' est d' Dorene ;
Sins malice, po waîti do bén fé m' bèzogne.

Si ça rshonne a ene sacwè,
C' est a Chantal ki dj' el doe,
Et, c' est Jean-Jacques ki m' rilét a môde d' aviè Djodogne.