Manifestâtion lîgwesse

Èn årtike di Wikisource.
Aller à la navigation Aller à la recherche
Manifestâtion lîgwesse
Demarteau, 1880
[ 1 ]
Manifestâtion Lîgwesse

Cinquant’ ans so noss tiess, ont passé comme l’âbion,
On d’meie siék di loumires, di pâe et d’union.
Flamints, Wallons !
Viv li Nâtion !
Viv’ nos’ Léopold II, viv’ noss Constitution.

On d’meie siék di loumires, di pâe et d’union
Po fé n’anniversaire, fans n’manifestation.

Po fé n’anniversaire, fans n’manifestation
A l’mémwer’ di noss Rôe et d’ses institutions.

A l’mémwer’ di noss Rôe et d’ses institutions.
Nos f’rans risdonder l’air dès, pus bais d’tos les noms.

Nos f’rans risdonder l’air dès pus bais d’tos les noms :
Viv’ Léopold prumi et viv ses deux r’jetons.

Viv Léopold prumi et viv ses deux r’jetons
Et viv l’indépendanc’ : frut dè l’révolution.

Et viv l’indépendance’ : frut dè l’révolution
So l’âté dè l’Patreie jurans tos dè t’ni bon.

So l’âté dè l’Patreie jurans tos dè t’ni bon
Ca n’volans d’morer Belges comme nos d’meurans Wallons.

[ 2 ]


Ca n’volans d’morer Belges, comme nos d’meurans Wallons
Nost amour po l’Patreie a pris récenn’ à fond.

Nost amour po l’patreie a pris récenn’ à fond.
Calott, Indépendants rottans d’sos l’mainm guidon.

Calott, Indépendants rottans d’sos l’mainm guidon
C’est l’union qu’fait l’fwess nos comprindans l’raison.

C’est l’union qu'fait l’fwess nos comprindans l’raison
Et sins hustiner l’Aig, wârdans noss vî Lion.

Et sins hustiner l’Aig, wârdans noss vî Lion
Ainsi qu’nos treus coleurs et nost’ antique Perron.

Ainsi qu’nos treus coleurs et nost’ antique Perron
Si l’on wess nos man’si, tos les Belg’ si r’ving’ront.

Si l’on wess nos man’si, tos les Belg’ si r’ving’ront
Et nos homm’ di l’an 30, affront’ri co l’canon.

Et nos homm’ di l’an 30, affront’ri co l’canon
Mais po l’bonheur dè peup, ni d’mandans qu’l’union.

Mais po l’bonheur dè peup, ni d’mandans qu’l’union
Par là nost’ industreie, riglatih’ret dâ long

Par là nost’ industreie, riglatih’ret dâ long
Cinquante ans so noss tiess on passé comm l’âbion.

Flamins, Wallons !
Viv li Nâtion !
Viv noss Léopold II, viv’ noss Constitution.

LIÉGE. — IMP. DEMARTEAU.