1. Èst-c’ qu la maladîye èst courante ?
Ây. Èt on pôrot quausu dîre qu, dins tout l’ payis, i gn-è nin ène since qui n’ l’ ôye nin û qu’è sôye quite. C’èst l’ min.me dins les payis vèjins. Mais i gn-è des payis qui s’unn’ ont mètu quite pa in moyin qu’on wêrèt t’t-aleûre par exempe l’Allemagne èt l’ Danemark.
Dins ène since, c’èst surtout les tètaus qui l’atrapèt. Dji v’ fwès r’souvenu qu’on loume « tètau » les vês qu’ont s’té dlaché avu leu mére dupwîs qu’i sont au monde. Come les warabês arivèt surtout inte lu mwès d’ mârs’ èt l’ lu mwès d’ maîye, ça s’rè les tètaus d’ l’anêye du d’vant qui sront fwârt djondus. Min.me tchôse po les aumâyes èt les p’tits gayèts qu’ont sté a pature.
Les vatches ossi n’unn’ auront quéqu’inkes mais jamais d’pus qu quate-cinq. Pus’ qu la vatche èst vîye, moinsse qu’on troûvrèt d’ warabês.
Lu pourcintadje du malaudes est quausu 100 % dins les tètaus, lès aumayes èt les ptits torês. I srè du 20 à 60 % pou les vatches qu’ont d’dja vêlé.
