Lu pardon
Dju prinds s’ vizèdje ècâdré d’ ôr,
Su pâle vizèdje, inte mès deûs mins,
Insi k’ ôstî do sacramint.
L’ âme mouwé, dju prîye èt dj’ adôre.
Èt, tronlant, dj’ bâhe one comunion
So l’ blanc front ossi pur ku flame.
Mès so mès lèpes, lu passion blame,
Hisdeûse, come one profanâcion.
Èt, coûr sèré — on criminél —,
Dju léhe, come o lîve do Djudj’mint,
Duvins sès-ûs k’ one lâme dustind,
Lu pardon du m’ pètchî môrtél.
Note Wikisourd
Nén eplaidî, deus papîscrîts, onk daté do 16 di may 1926 avou siné « Hr. Br. » (Lu pardon), l’ ôte siné « Fré Matî do CLub walon » (Pardon).
Ortografeye di L’oeuvre poétique wallonne de Henri Bragard, p. 76.