Li pardon

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Feller-Sedyn.
Li pardon
rortografiaedje da Lucien Mahin, e rfondou walon
2020
Li pardon

Dji prind s’ vizaedje ecådré d’ ôr,
Si påle vizaedje, inte mes deus mwins,
Insi k’ osteye do sacramint.
L’ åme mouwêye, dji preye et dj’ adore.

Et, tronnant, dj’ båjhe ene comunion
So l’ blanc front ossu peur ki flame.
Mins so mes lepes, li passion blame,
Hisdeuse, come ene profanåcion.

Et, coûr seré — on criminel —,
Dji lé, come e live do Djudjmint,
Divins ses ouys k’ ene låme distind,
Li pardon di m’ petchî moirtel.

Note Wikissourd
Papîscrît siné Hr. Br. do 16 di may 1926.