Savoz bin qu’on djoû l’ vint èt l’ solia s’ dispètronin.n’ ?
Oyi, ça ! i v’lin.n’ sawè quî-ç’ qu’èsteut l’ pus fwârt dès deûs.
Li vint ataque èt dîre : « Dji vos va d’ner lès preûves qui l’ pus fwârt, c’èst mi. Vos vèyoz l’ vî ome vélà ? Dji vou bin wadjî qui djè lî va fé rôster s’ paletot brâmint pus rade qui vos nè l’ saurîz fé. »
Do côp, v’là l’ solia qui s’ catche padrî lès nuwadjes èt l’ vint qui c’mince à sofler, sofler ; i sofleut d’ tot sès pus fwârt èt toûrner à sauvadje vint èt l’ome, li, i s’ ravôtiyeut todi one miète dipus didins s’ pèlisse.
Al fin dès fins, li vint, qu’ènn’aveut s’ sô, a lèyî ouve.
Adon, l’ solia s’a mètu à lûre, il a faît one clignète èt sorîre tot doûcemint au voyadjeû. Bin rade, l’ome s’a r’chandi, il a r’ssuwé s’ front èt rôsté s’ paletot.
Li solia èsteut bin l’ pus fwârt èt il a mostré insi au vint qu’i vaut brâmint mia yèsse doû come dèl laume qui d’yèsse arèdjî.
Ci tecse ci a stî scrît anonimmint ey eplaidî sol mape del Beldjike del waibe do Djåzant atlasse éndjolike des lingaedjes di France et d’ pattavå å pont « Nameur », troejhinme onglet ; l’ ovraedje k’ on dit est metou dizo libe licince al såme nén comerciåle (Creative Commons Attribution-NonCommercial-ShareAlike 4.0 International License).
Li tecse a stî eredjistré e 2020 dins l’ prononçaedje di ci scrijhaedje ci, k’ est rschoûtåve ciddé.