« On vs fwait priyî a l’ etermint
da Djhan Djôzef Matî Penêye,
a l' pårotche, po dmwin, nouv et dmeye… »
L’ ome: Tén! vo l' la moirt?
Li feme: Nel savîz vs nén ?
L’ ome: I hosse e mantche dispoy lontins.
Li feme: Çou k’ c’ est d’ nozôtes !
L’ ome: Awè, c’ est l' vraiy !
— « On vs fwait priyî a l’ etermint
da Djhan Djôzef Matî Penêye… »
L’ ome: Dvant di m’ maryî, ns esténs vijhéns.
Li feme: Alez vs co ene feye piede vosse djournêye ?
L’ ome: On s’ kinoxhe dispoy tant d’ anêyes !
Li feme: Fijhoz vosse båbe, alez, fåt bén !
— « On vs fwait priyî a l’ etermint … »
dins « Li pan dè Bon Diu » (Recueil complet des poèmes wallons de Henri Simon, coleccion « Nos dialectes » l° 4, Vaillant-Carmanne, Lidje, 1935, p. 44, pu dins l' Antolodjeye Piron p. 264.