Li crikion et l’ frumijhe

Èn årtike di Wikisource.
Aller à la navigation Aller à la recherche
Emojione 270F.svg Ciste ouve ci egzistêye eto divins ds ôtès ortografeyes : Ortografeye do scrijheuFeller-Haust.
Jean de Lafontaine
Li crikion et l’ frumijhe
rortografiaedje da Lucien Mahin, e rfondou walon sol modêye da Charles Duvivier de Streel
2020
Li crikion et l’ frumijhe

On crikion k’ aveut tchanté tot l’ esté
Si trova foirt dihessî
Cwand l’ bijhe el vina hagnî.
I n’ aveut nén ene miete
D’ on ptit waerbåd ni d’ moxhete.
Il ala braire li famene
Amon l’ frumijhe si vijhene,
Tot lyi djhant di lyi pruster
Kéke restant po vicoter
Tot ratindant l’ ôte anêye.
— Dji vs payrè, savoz, mamêye ;
Divant l’ awousse, so m’ parole,
Vos råroz tot, ou l’ diåle m’ evole !
Les frumijhes ni prustèt rén
Ç’ n’ est nén leu petchî, vormint.
— Vos vnoz, dit-st ele, po m’ acreure ;
Ki fjhîz vs divins les tcholeurs ?
— Nute et djoû, dji fjheu do brut
Ki c’ esteut on vraiy disdut.
— Vos tchantîz, dj’ è so binåhe ;
Asteure, dansez a voste åjhe.