Les avoyoes

Èn årtike di Wikisource.
Aller à la navigation Aller à la recherche
Ciste ouve ci egzistêye eto divins ds ôtès ortografeyes : Feller-Francard-Mahin.
Les avoyoes
2021 (a pårti d' èn eredjistrumint do moes d' octôbe 1994)
Les avoyoes
(prononçaedje coinrece, accint d' Transene, Årdene nonnrece)

Dimandeu (Dm.) - Cwè çki to djheus (d’) Mononke Emile, cwand i divneut vî ?

Albert Mahin (A.M.) - Cwand i divneut vî, k’ i m’ dijheut ? « Ele ni côpe nén, li soyete. T’ el rawijhrès on pô, la, di ! » « Åy, di dj’ ! » Et pu ç’ côp la, il aléve å bwès. Et pu i rarivéve li londmwin. « Siya, ele va bén, la, mins: fote-z î co on côp (d’ lime), elle irè co mî » dit-st i.

Dm. - Avou cwè k’ on l’ rawijhive, nosse pere ?[1]

A.M. - Avou ene lime, hin !

Dm. - Avou ene lime.

A.M. - Awè ! I faleut rawijhî les dints comifåt. Et alôrse ci côp la, c’ esteut nén li soyete ki n’ aléve pus. C’ esteut l’ bresse, valet !

Dm. - Et gn aveut nén des machenes po rawijhî les soyetes ?

A.M. - A non ! Des machenes, non !

Dm. - Èn avoyoe ?

A.M. - Away ! C’ esteut po mete li voye, ça.

Dm. - Comint k’ c’ esteut, èn avoyoe ?

A.M. - Bén come ene pince, la, avou on visse po regler po n’ nén-z esse dipus foirt d’ on costé ki d’ l’ ôte, cwè. Ti seréves ; gn aveut on ptit visse k’ aléve a stok, et ça n’ aléve nén pus lon. C’ esteut tos les minmes dints.

Dm. - L’ avoyoe… c’ esteut nén si sovint k’ el faleut rpasser a l’ avoyoe ?

A.M. - Abén non ! Et pu ça depind on pô do bwès k’ on soyive, hin ? Si t’ soyives do vert bwès, faleut k’ l’ avoyoe soeye on pô pus lådje. Ôtrumint, cwand c’ esteut do bén setch, i s’ soyive tot seu. I n’ faleut cåzu pont (d' voye), po cmincî.

Dm. - Away, c’ est ça.

A.M. - …paski, pus çki l’ voye est lådje, pus çk’ i fåt haetchî.

Dm. - C’ esteut èn avoyoe po les soyetes, et pu… les grandès rcepes, metans ?

A.M. - Abén åy, mins c’ esteut èn ôte, (on) speciå, alôrse.

Dm. - C’ esteut ene ôte sôre d’ avoyoe ?

A.M. - Åy, avou ene pus lådje machwere po mete li rcepe didins — (nén come) li soyete, hin… — po passer l’ lame.

Dm. - Tchaeke soyete si-n avoyoe ?

A.M. - Nén tchaeke soyete, mins c’ esteut l’ lame. Cwand c’ esteut ene ricepe, par egzimpe, hin, faleut on grand avoyoe ; li circulaire, faleut on pus grand avoyoe ; ça dipind li lame, hin.

Note Wikisourd

Li tecse a stî eredjistré so ene cassete e moes d' octôbe 1994, pu réndjolijhî sol fén des anêyes 2010; pu riwmaistrijhî a l' assulon e moes d' djulete 2021;
Nén eplaidî so papî.
Les passaedjes inte åtchetes sont metous po rimpli des elipes dins l' cåzaedje (li respondeu cåze todi ene miete rade).

Pî-note

  1. Li dmandeu cåze avou s' prôpe pere.