Dji chante dji chante
Dilé mi jamais di chagrain
Dji tchante dji tchante
Mi pt’tit refrain
Dji n’ mi vante nin dj’inn’ so nin ritche
Mais ci n’est nin ça qui m’aflitche
L’ardgin ni m’a jamais tanté
Dji n’a jamais rin desiré
Qui l’ gayeté et l’ santé.
Dji tchante… etc.
Dji n’a nin seulmin deux sous d’ rinte
Et dji vou bin qui l’ bondiet m’ printe
Si dji vôreuv’ discandji m’ sôr
Avou les Barons, les Milôrs
Tchanté vola m’ tresôr
Dji tchante… etc.
On monsieur avou tot ses caures
Ni sé nin l’ tour di s’ fé do laure
En grognian y mougne do rosti
Mi quand l’ fœumm’ rivin do martchi
S’el n’a rin din s’ panni
Dji tchante… etc.
On les voiet r’noncé su des lives
Des canards, des piètrids, des grives
Mi des canadas farbolus
Quan dji voit mette one sauce dissu
Contin comm’ on bossu
Dji tchante… etc.
Quan dji fai one pitite ribotte
Sûr qu’en rintrant li fœumm’ barbotte
Comm’ dja toiar et qu’ell’ a raison
Dj’el’ l’ai dire jamais djinn’ respon
Mais a l’ fin di s’ siermon
Dji tchante… etc.
Dji n’ mi melle nin del’ politique
Des libèraux des catholiques
Dji so todi bon citoyen
Pourvu qui djeuche di tims in tims
Po boire mi p’tit verquin
Dji tchante… etc.
A quoi bon r’gretté l’ tim qu’es ieute
Puisqu’on djou i fau fé l’ culbute
Besvan quant nos n’auran pu rin
L’ cattrie n’est nin faite po les tchins
En ratindant l’ momin
Dji tchante… etc.