- Qué novèle à Djiblou ?
- Lès v’là totes !
- Èt nosse novèle lèsson, comint qu’on l’ lome ?
- « On coût bokèt d’ frâse ralôyîye à l’ maîsse nom. »
- C’èst qwè, on bokèt d’ frâse ?
- On bokèt d’ frâse avou on vêrbe.
- Dins l’ quène coleûr sont-èles sicrîtes su vosse tâblau ?
- Vos lès-avoz scrît dins one bleuwe coleûr.
- Sâriz lîre li prumêre frâse ?
- Oyi ! « C’èst l’ coq qui tchante tote naît ! »
- Li coûte frâse : c’èst qwè ?
- Li coûte frâse c’èst : « qui tchante tote naît »
- Èt l’ maîsse nom : ?
- Li maîsse nom, c’èst : « c’èst l’ coq. »
- Vos m’ p’loz d’ner on’ ègzimpe ?
- Oyi ! Li comére qui done sicole, c’èst nosse man.
- C’èst qwè li maîsse frâse dins ç’ cas là, il èst scrît en nwêr.
- « C’èst nosse man. »
- Èt l’ coûte frâse ralôyîye au maîsse mot, c’èst qwè ?
- « Qui done sicole »
- Èt l’ mot qu' èlle èst ralôyîye après, c’èst qwè ?
- « Li comére. »
- Dins lès deûs frâses vos vèyoz bin l’ « qui » qui ralôye li coût bokèt d’ frâse à l’ maîsse frâse.
- Oyi, c’èst « qui ».
- Li coûte frâse èst ralôyîye à qwè ?
- À on nom.
- Quén nom ?
- « Li coq, li comére. »
- Èt dins lès-otès frâses… nos n’ lès-avans nin co lît,.. min sayî on pau d’ lîre li trwèzyinme ?
- Dj’î va ! « Dji n’ mindje[1] nin âk[2] qui pique. »
- Li coûte frâse, c’èst qwè ?
- Li coûte frâse, c’èst « pique »
- Èt c’èst ralôyî à qwè ?
- À « âk »
- Li frâse sûvante…
- « Véci, c’èst mi qu’èst maîsse ! »
- Li coût frâse, c’èst qwè ?
- « Qu’èst maîsse. »
- C’èst ralôyî à qwè ?
- C’èst ralôyî à « mi »
- Mins c’èst deûs mots, là : « âk » èt « mi », ça n’èst nin dès noms.
- Oyi,
- C’èst qwè ?
- Dès pronoms.
- Adon, li coûte frâse ralôyîye au nom, nos pourîn’ dîre qu’èlle èst ralôyîye à l’ pronom.
- Oyi.
- « Âk », ci n’èst nin on pronom. Qu’èst ç’ qu’on poûreût mète à s’ place ?
- « One saqwè. »
- Li frâse ça sèreût ?
- « Dji n’ mindje nin one saqwè qui pique. »
Pî-notes