Po tos lès cis qui n’ont rin fêt d’bon foû d’leû vèye
Po tos lès mâlureûs qu’n-ont mây avou d’coulèye
Po s’rihaper pâhûle èt roûvî leû mâleûr
Et po tos lès pôves cwérps qui n’savèt pus qwè dîre
Dismètant qu’n-ont pus l’fwèce dè lèver leûs pâpîres
I n’ârè mây di p’tit boneûr
Po lès djins qu’o bombarde, po lès cis qu’on mitrâye
Lès-ôtes qu’on plake â meûr come dès grandès canâyes
Sins l’zî d’ner ine seûle tchance dè sayî di s’fé creûre
Po tos lès cis qu’pwèrtèt sins poleûr s’arèster
Li pawe â vinte, li pwès di leûs-idantités
I n’ârè mây di p’tit boneûr
Po tos lès sins-abris èt lès sins domicile
Qui n’ont minme pus, c’èst pé, li ricfwért d’ine famile
Po s’vini s’confiyî, qui s-bouhèt l’tièsse â meûr
Po totes lès âmes findowes èt lès coûrs disfoncés
Pace qui nolu djamôy, n’a sayî d’lès-inmer
I n’ârè mây di p’tit boneûr
Et pwis po tos nos-ôtes qui porçûvans nosse vôye
Sins mây nos ristoûrner qu’so nos prôpès kinôyes
Ossi qu’po fé ’ne saqwè i fât polou wèzeûr
N’s-avans-st-avou nosse pârt, fât-i co rataker ?
Mi, dji creû bin qu’awè, po nos polanse tchanter
Qu’i n-ârè co dès p’tits boneûrs
Lès p’tits boneûrs
Ciste ouve ci egzistêye eto divins ds ôtès ortografeyes : Rifondou walon.Lès p’tits boneûrs
Lès p’tits boneûrs