I.
Lès djon.nes bag.nèt chaque à leû toûr
Po-z-aler fé leû vikérîye
Lon èri di leû p’tit viladje.
I l’zî faut tèyâtes èt cinés,
Mougnî dès frites à l’ môde anglèse,
Ou bin dès « tchôds tchins » mayonèse.
À l’ maujone pont d’ télévision.
À l’ sîze on djouweûve au couyon
Avou lès parints, lès soçons.
One boune doréye èsteûve su l’ tauve,
On riyeûve en s’dijant dès fauves,
Tot bèvant li pèkèt qui r’tchaufe.
Rèspleû
L’ritchèsse, c’èst l’aîr di nos grands bwès,
Là où lès grands ciêrs si batnèt.
Quand lès sauvadjès auwes pasnèt,
Inéyes, coleûrs s’î comachnèt.
II.
Leûs tayons boutin.n dès longs djoûs,
One salade aus crètons au d’bout,
Èt l’ dimègne one poye èt dès-oûs.
Leûs salades crèchin.n dins l’ corti,
Lès poyes ponin.n dins leû poli,
L’ blanc pwin cujeûve dins l’ vî forni.
Dès poumes, dès biokes èt dès cèréjes,
Nin dandjî d’ènn’aler acheter,
Gn-a qui l’ chaule à mète po lès coûde !
Dès poyes, one gade èt trwès bèdots,
On couchèt qui mougneûve did tot,
I n’ divin.n on franc à person.ne.
au rèspleû
Lès grands bwès
Ciste ouve ci egzistêye eto divins ds ôtès ortografeyes : Rifondou.Lès grands bwès
Lès grands bwès