Lès-ans

Èn årtike di Wikisource.
Aller à la navigation Aller à la recherche

Lès-ans

Lès-ans courenut à p’titès-ascauchîyes
À p’titès strwètès chavéyes
À p’tits bouneûrs
À p’titès-eûres.

Lès cèréjes di l’èsté pindoûwes à vos-orâyes
Comptenut lès djoûrnéyes,
Lès « veûy voltî »
Sins s’ fé priyî.

Nos ratindrans lès fouyas d’ôr
Po spèpyî lès frûts coudus…
Nos sèrans djus,
Rascoudus.

Nos-èrirans avou lès nîves,
Avou nos fîves…
À p’titès-eûres,
À p’tits bouneûrs…