Låtchî l’ polén

Èn årtike di Wikisource.
Aller à la navigation Aller à la recherche
Ciste ouve ci egzistêye eto divins ds ôtès ortografeyes : Feller.
Julie Leboutte
Låtchî l’ polén
rortografiaedje da Lucien Mahin
Li Rantoele  106,
Låtchî l’ polén
Schoûtez Julie Leboutte lu-minme
(prononçaedje espontané)

Dinltins, mafwè, on djouwéve ås cwåtes come ça, ossu bén e plin après-nonne, cwand i gn aveut rén a fé. On s’ rashonnéve deus troes copins eshonne, ubén del famile. Et… on djouwéve ås cwåtes.

Mins il avént invité ene Lidjeuse ki rivneut tchaeke anêye. Et elle esteut avou zels, mins ele ni cnoxheut nén, leye, les rizêyes do viyaedje et tot ça, hin. Infén !

Et i djouwèt ene pårt, deus pårts. Et i gn a m’ grand-mere ki dit : « Alez, asteure, hin, on va magnî ene galete ; dj’ a fwait des galetes. » Et do cafè et infén... Ey ele mete li tåve.

A ç’ moumint la, gn a onk ki s’ leve et ki dit ‒ come on dit todi avår la cwand on a håsse di s’ aler soladjî (d’ aler pixhî) : « Ebén mi, dji va låtchî l’ polén. »

Et l’ Lidjeuse si leve ossu, leye. « Ebén, mi, dji va vey li ptit polén da Djôzef, la » dit-st ele. (riyaedjes)

Note Wikisourd

Li riscrijhaedje Rantoele eploye sacwants mots pus tipikes (après-nonne, soladjî)