Jacklene seule
Gardienne aiou qu’esto socy
quel tristesse quel anoie vocy
y niac deus treu iou quij pensef
to costé to l’ monde mel dihef
Qui nos allin miné bonne vée
a mariege dy nos ione fee ;
Qu’on nos alléf fe si grande fiesse
qu’on seuxke ieté fou pol finiesse
Les oucks, spij le posson
Et ce quniaveu dbay el mohon,
Et seuxchen to e crach fondou.
to le poursay euxcken corou
le vay et le mouton rosty
ava le voe e le corty
ly coutai planté dven le rens
Et on pan dsept lif ente les dents.
Beny nes nyn po aregy
quan gveu kto soula e rouvy
ly dial sesti bin vnou mellé
defny cis hasplaie dickmellé
Jarégreu ben quan ce kgy pense
Ka gin pou pus sgin piet patiense
Men nveuge nin lam cusenne Maroe
Ce lee meme qui rebise cy voe.
Bon iour e sante grande cusenne
Qui; quan, quelle bonne ou mal forteune,
parlé ques qui nia quif rechesse
Que mava vent quif donne a fesse ?
Maroe
Pa siet bacel a trové bon
de vit allé fou dsis mohon
il y fait pu tris ka monument
gy kreu si geuh stu jusqua demen
geuch difnou pu sege kin estall
to y eblaf to y ehal
on sosper on gemich, on pleur
yn saquoit dblan y avis neur
quan ia veou cy rmowe manege
gif sa bin vit trosé bagege
Et sag cassy me grand sabot
cag corou fou sen dir on mot
ga corou fou pol poit di dry
gy pensef rascûr nos Andry
iarre del poone del ratrappe
Jacklenne
Amor dy bacelle ratendé
Vos né riré tot asteur
dimoré sial on ptit quar deur
Prendont sist affaire pus avont
raconté mel turtot a lon
Maroe
Kil grand dial vous qui git raconte
il esteu da koron de monde
vinou e hase on jone baron
Po sposé l fëe di nos mohon.
Ly per el mer el volin bin
menl fee a dy quil ne freu ren
Kil sy laireux putoit quatlée
qui disley d’in home caiollé.
Ly Per el mama tour a tour
ly allin fé de lon discour
Po lyr mostré torto dousmen
ly toir quil fef a ses parens
ly toir quil si fef a lëe meme
Drefusé ons fay homme qui l’ayme,
sly raconten tot le richesse
de jonay kly boutin el tiesse,
Quil esteu bay et klesteu bon
pitit, ioly, friand, mignon,
Quil esteu vnou don lon pays
rinc kpo avûl bin del vey.
A tot ces siermons nos ione fëe
aveu destoppes si splenl soree
si bin kis per et smer corsi
Kimencin bin foir al mansi
Men in bel nut kpo tot ly terre
y féf creuge pu neur ke nenfier
il riploe to dousmen spacquet
sis riter telle sen dir a Dié.
A matin selive ly vacarme
On cree a feu on cree az armes
y ni aveu ny gfa ny cherette,
Caroche ny clichet, ny berwette,
Portant ons metef e servais
quel nesteu nen lon de chestay.
Onc kour, et lot quir don costé
les ot sondle sen rin trové,
One dit quel a passé in rivir
sen naiveu et sen nol navir
gyn mi mel pû di to soula
dief don bon iour pormy ger va.
Jacklenne
Viergy Maree, quil la stu sege
distire fou dsy passege !
treu quatte iou apres lacoir fait:
tol monde sirpen di lavù fait :
El baron de monde ly pu bai
eune samene apres seston houlpay.
souckce de monde edce plaisir
si nec ven, si nec del foumir.
Maroe
Tolmonde sel boute el tiesse ensi
my gimli bout asteur osy
gin ma maye ripentou quin fëe
de nen avu dmore jone fëe
to mes lons ioux ; il e bin vraye
qu’an sisla euck situ mariaye
kel euck aou a la bandon
to son qui nia dy bay ed bon,
men el ny quir nin to soula,
dloneur del terre el ne fai cas.
to souc kige creu ksis bacel quir,
nest nen al ter, il est a cir.
Jacklenne
Maroe gen at asse oiou,
pom nin marié dem vee sig pou:
Volal cir qui va difny neur,
Ponneralé vnavé kvos teur,
diheme ly bon nut a vos gens.
Maroe
Bonne nut Jacklenne iusqua ot ten.
Jacklene, Maroe
Ciste ouve ci egzistêye eto divins ds ôtès ortografeyes : Feller.Jacklene, Maroe
diviè 1690
Jacklene, Maroe