Intèrviou da Jules Magnan/I

Èn årtike di Wikisource.
Ciste ouve ci egzistêye eto divins ds ôtès ortografeyes : Rifondou.
I
Câsseû aus pîres (boket do responda da Jules Magnan), 2021 (a pårti d' èn eredjistrumint do moes d' octôbe 1995)
Câsseû aus pîres
(prononçaedje coinrece, accint d' Lesse (Rudû), Årdene nonnrece)

… in Magnan d’ Lèsse k’ è co fwait la stamounêye du nosse måjon.

- Ây

- Ç’ astot bin fwêt, k’ il ont dit.

- Èbin åy, il ont dit k’ç’ astot bin fwêt, ây.

- Cubin d’ anêyes du mustî k’ ‘z ônz ?

- Comint ?

- Cand çku vs ônz cmincé a…

- Malèreûs ! Ô ! malèreûs, dju m’ ê mètu a travayer du maçon ku dj’ avo vint’-deûs, vint’-trwâs ans. K’ on dîrot « travayer du maçon, hin ! ».

- Èt câsser ås pîres, come on è veû ttaleûre, la ?

- Abin ! Câsser ås pîres… dj’ ê arèté d’ câsser ås pîres pasku on n’ fujot pupont du routes.

- Dinltins, on câssot ås pîres pou fé les vônyes ?

- Awi ! Awi, èt co pou-z arocher. Bin dju vs ê moustré comint çk’on fjot, hin !

- Ayi ! Arotchî, c’ èst lès grosses pîres…

- C’ èst fé dès plates pires. Èt pî cand vous avîz fwît in bokèt, èbin, i fåt rprinde la makète èt rcônper lès coupètes èt rfé ène balasse dussu.

- Ene balasse, c’ èst lès ptites pîres ?

- Les ptitès pires, ây ! Dj’ â travayé… combin d’ anêyes pou lès Castusse, mi ! Ç’ astot toudi mi k’ astot pou mète lès bordûres, û s’ i gn avot in pwîzârd a fé û ci û la. Cand on è rfwêt lu tèrin Larotche, ciddé åtoûr du cafè, a Mêssin, gn avot in gros pwîzârd, la. Èt c’ èst mi ki l’ è fwêt ! Falot prinde avu ène gloriu (?) èt ruvnu a rin pou mète la coviête dussu. La Castusse k’ arive : « ké novele ? T’ ès bin maçouné ? dit-st i :: Ây ! :: Pasku lu cilinde va ariver pou passer åtoûr. Ça n’ put må d’ croûler ? » dit-st i. ::  ! dju n’ crwâ nin, di dj’. :: Pask’ i fåt k’ ça sûche fini ènut’. Ây mês, cand on è yu fwêt, on è rpassé…

- bwâre ène goute ?

- bwâre ène goute. C’ est bin tout l’ minme du djeu (?).

- Kés ustîes k’ i fåt pou câsser ås pîres come on è veû ttaleûre ?

- Èbin ! fåt dès makètes. Fåt dès makètes, hin ! Èt pî, i fåt ene pus grosse masse. Mês, mi dj’ ê câssé…, pasku, dju n’ inme nén les makètes avu ène ponte, la. A ! non, dj’inme mî… dju n’ sé nin pa yû k’ èle sont rtoûrnêyes, mês, anfin, dj’ ê royu çti-lale, èt dju m’ è rsiêve cobin, la, cand fåt pou câsser ène pîre.

- Èt c’ èst du kée sôⁿre du pîre ? I gn è dès sôⁿres dins lès pîres ?

- Awi ! C’ èst du grès. Pasku c’ èst dès chisses, hin, û çku dj’ ans sté laddé. Mês c’ èst dul pîre, la, pou l’ fèrladje (?) pou arocher. Et après, s’ on årot yu sté al câriére al « Få Mayå », k’ on dit,… la… Dj’ ans câssé dins les câriéres, nouzôntes, hin ! Dj’ travayins pou Malampré, û comint dja… Vièrzèt d’ Lèstèrni. Èt dj’ ans fwêt tous lès travôs, ciddé, èt câsser… dju câssins toudi dins la câriére padrî mon Fourni. Li bôré (?) Jozèf, i vnot câsser ossi. Mês, dj’ esteu vnu avu m’ fré, mi. Li, i tirot, èt mi dju câssot. Ayi, mâs tout d’ in cônp, la Florine k’ arive. Èle vint vèy su tas d’ pîres. I ‘nn’ avot nin… i ‘nn’ avot nin plin ène bèrwète. Et nouzôntes… Vous riyez d’ mi (?) dit-st i, tu dis ci tu dis ça, dit-st i. Mês si t’ wêros lès Magnan cand i fjèt leû marinde… leû fricassêye å matin, il ont dès curtons èt il ont dès ûs plin la paile. Mês mi, dit-st i, tu m’ rutchåfes dès canadas å cafè, dit-st i ‒ c’ esteut tins del guere, hin. Mins après, cwand Vièrzèt è arivé : « mês comint çku dj’ va payî ç’-t ome la, mi, Jule ? Abin choûtez, dju su anmèrdé, mi, il è dès ptits èfants. :: Payîz jamês çku v’ payez su l’ travô, hin, k’ dju di. :: Bin dj’ unn’ årâ ink du bènèfice avu ça, mi ! dit-st i. ::  ! k’ èst ç’ k’ on î frot ! Èt i câssot, l’ mivwè (?) ; i rindot bon dvwâr. Mâs i n’ avot nin la vûe bone, ça fwêt ku : i sintot… i sintot après la pîre avu sa mwin, èt pî, i bouchot dsu.

- I mètot du tins.

- I bouchot souvint a costé.

Note Wikisourd

Li tecse a stî eredjistré so ene cassete e moes d' octôbe 1995, pu réndjolijhî sol fén des anêyes 2010; nén eplaidî so papî.