Din li dierin vudaedje [tirage] del riloméye rivuwe sincieuse Nature do 27 di maey 1999, on nd aprind ene ben bune. Doli, li prumire biesse-a-tetes [mammifère] k’a sti carcopieye (clônéye) sereut shijh ans pu viye ki si ådje. (Elle a skepyi e 1997).
C’est tot rlucant les cromozômes ki les sincieus ont ben veyu ki leus dbut (d’bout [extrémités] estint pu ptits so les cis da Doli ki su les cis des owietes [agnelle] di si ådje. Min k’il estint fen parey ås cis des berbis d’ shijh ans ki leus celures ont shiervu po fé skepyi Doli.
Çu fwait k’ les sincieus estint din tos leus etats. Et eco les Soces Siconte do Carcopiaedje [Associations contre le Clonage], ki vlet rtaeyi les poretes ås sincieus et ont l’epinse di fé disfinde totes les sayes di clonaedje.
Dabôr, erdalet i les sconte-cloniveus, si vos rcarcopioz [recloner] Doli, li ptite berbi ki va skepyi l’ anéye ki vent, elle årè ddja 7 ans li djou k’ele venrè å monde, pôy ki c’est les cromozômes k’aviyixhet, nen les celures.
C’est nen si åjhey ki ça di djower å Grand Askepieu [de vouloir être le Dieu- Créateur].
Faust s’a dvu rturner din s’ waxhea (wahê, wachê, vachê, vacha) [cercueil] cwand a-st aprindu ene sifwaite ! ! !