Dji r’mousse adlé nos
Il a nîvé su l’ bwès d’ Wayindje,
Lès floyes sont-st-à sètch dins lès prés,
I ploût co à r’lâye su Gobtindje,
Li solia lût su tot l’ saurté.
Gn-a l’ timps qu’èst tot cu d’zeû, cu d’zo,
I djale à l’uch, bolant en d’dins,
Dimoroz vêla dins l’ culot,
Dj’ rabroke d’lé vos pwârté pa l’ vint.
R’mèt one bwache dins nosse tchiminéye,
Dji r’mousse è culot.
S’i-gn-a do solia su l’ pavéye,
I-gn-a seûr d’lé vos.
Mélin a pièrdu mès vint’ ans,
Dj’î vôreû co yèsse avou lèye.
Faut sawè qu’ n’èstans à l’a.an.
Là waîte, li diâle marîye si fèye,
Mi coûr bat come à on mauvi.
Dji vôreû bin catchî mès peûs.
Quand l’iviêr tchaîrè avaur ci,
Dji n’ mi vou nin r’trover tot seû.
R’mèt one bwache dins nosse tchiminéye,
Dji r’mousse è culot.
S’i-gn-a do solia su l’ pavéye,
I-gn-a seûr d’lé vos.
Dji v’ rapwate one fine plin.ne bèsace,
Dji v’ raconterè totes mès-istwêres :
Vos n’âroz pus qu’à r’mète à place.
Do gout d’ trop fwârt, do gout d’ trop wêre,
R’mèt one bwache dins nosse tchiminéye,
Dji r’mousse al maujo.
S’i-gn-a trop d’ nîve dissus l’ pavéye,
Dj’ roterè à chabots.
R’mèt one bwache dins nosse tchiminéye,
Dji r’mousse adlé nos.
S’i-gn-a do solia su l’ pavéye,
I-gn-a seûr d’lé nos.