Deûs djônes crapôdes
Deûs djônes crapôdes si porminèt so l’ bwèrd d’èl Moûsse.
Tot d’on côp èle vèyèt on tchin qu’a toumé è l’èwe èt qui n’sét pus r’monter so l’bate.
Eune dès deûs crapôdes bodje sès solés èt s’cote, èt potche è l’èwe, èt r’monte li tchin.
Tote binâhe, li biesse si kitape èt fêt aler s’kâwe.
— Rilouke come i fêt aler s’kâwe po t’dîre mèrci !
Come il èst binamé ! Vos m’polez creûre, n-a brâmint dès-omes qu’ènnè frè ot’tant ! dist-ele si camarâde.