Bondjoû, nosse dame, nos vnans heyî

Ciste ouve ci egzistêye eto divins ds ôtès ortografeyes : Feller.

o.n.c.

Bondjoû, nosse dame, nos vnans heyî

evoyî pa Jacques Werner a Lucyin Mahin ki l' a rtipé droci, et l' rifonde, eplaidî vola e 2021, dandjreus d' on vî vî tecse

Bondjoû, nosse dame, nos vnans heyî

Bondjoû, nosse dame, nos vnans heyî
Ene boune anêye a vs sohaitî !
I fwait si froed cial so les pires
K’ a m’ nez k’ edjale come ene petêye crompire.
On bon cigåre po nos strimer
I va bén restchåfer nosse nez;
On boket d’ lård et do levgo,
Et pu, nos ndè rirans tertos.
Si vs n’ avoz nén touwé on pourcea, ciste anêye,
Vos nos dinroz des çanses, ci srè todi parey !
Ene boune anêye, Mareye
Et tote vosse kipagneye
Nos fåt strimer tertos
Et nos rvénrans eco !
Bone anêye !

---

Note Wikisourd

Li tecse note pacô èn accint d' après Vervî, avou disnaziålijhaedje (crôpîre), pacô do lidjwès estandård (spotchåve voyale "i" dins kipagneye, metans).