Ascauchîyes
Èt dji r’monte nos-anéyes.
Li baurîre dèl sicole riclôyouwe,
Dji n’aveû, au d’là dèl fènièsse,
Qu’à sondjî à vos — mièrnouwe —
Po m’ chaper foû di m’ tièsse.
Èt courenut nos-anéyes.
Mès-anéyes, ètassîyes dins m’ pârfond
N’ont nin co rèfacé vosse visadje.
Mès cwachûres pwatenut vosse nom.
Mès mwins, lès cotoûs d’ vosse cwârsadje.
Èt dji r’veû nos-anéyes.
Si vos r’vôrîz qu’on rotereût èchone,
Nos èririn’ è nosse maujone,
Èt rassèrcî nosse prumêre vôye
Po-z-èdaumer nosse dêrène rôye.
Ça sèreût nos mèyeûsès-anéyes !