A qwè bon tènawète sayî d' mi r'mète à s'crîre ?
Tos les pus bias d' mes sondjes, dji n' les dîrè jamais;
Do pau qu' dj'avéve èl bole li d'zeûs est d'dja s'cramé,
Et dji n' vous nin qui m'cœûr ni siève pus qu'à fé rîre.
Et puis, l' mèyeû d' li-minme, èl faut-i d'ner à lîre ?
In papillon n'est bia qu' si on l' lèye cavoler:
Quî l'prind po l' riwêti est sûr di l'abumer.
Les idéyes di rimeûs, c'est l' minme, ou c'est co pîre.
Tant qu'i n'est nén disclôs, on sondje est todi bia;
Po l' mète dissu l'papî, on pout s'î prinde di s' mia,
Ça n' richèn'rè jamais à ç' qui v' djômîye èl tièsse.
C'est l' « tchîp » d'in soverdia dé l' ramadje d'in linet.
Les mots qu'on vôréve bén et qu' tofêr on portchèsse
Ni s' troûv'nut dins l' français nén pus qu' dins nosse patwès.
Sicrît a Måtche e 1928