Ji n’a pus nou plaisir nou rafia nolle joïe
Ji n’a pus nou moumint ji pus nou moumint di r’poè
Li chant dè râsquignou, dè l’fâbitte mi fait n’soïe
I m’sonle or ramagi l’sâvage ouhai dè boè
Ji n’a pus bon d’viqué, j’a st’in’ pône trop’ amére
Dépoïe qui Diew m’a r’pris, qui Diew m’a r’pris m’bonne mére
Dépoïe, dépoïe qui Diew m’a r’pris m’bonne mére.
I m’sonl tofér oyi voss voè douce à l’oreie
Mi r’dir ces quéqs bais mots qui n’sont nin sur à toért
Qui qwand vos n’sèriz pus tot l’long di m’vicâreie
Ji n’freu qu’dè v’rigrettez avou des ongues di fiér
Ji n’a pu bon d’viquer, ja st’in’ pône trop’ amére
Dépoïe qui Diew m’a r’pris, qui Diew m’a r’pris m’ bonne mére
Dépoïe, dépoïe qui Diew m’a r’pris m’bonne mére.
Comm’ li poîe qui respounn’ li poîette dizos s’iéle
Tot près d’vos j’esteus l’minm’, j’ésteus è l’wâd’ di Diu
Vos m’covii d’vos bâhèch’ mi vost’ èfant fidéle
Ouîe ci n’est qu’bîh èt vint pusqui vos n’estez pus.
Ji n’a pus bon d’viquer, j’a st’in’ pône trop’ amére
Dépoïe qui Diew m’a r’pris, qui Diew m’a r’pris m’bonne mére
Dépoïe, dépoïe qui Diew m’a r’pris m’bonne mére.
Qwand j’sos pâhul’ ji v’zôs m’dire ces quéquès paroles
Qui l’éfant qu’pièd si pére a st’ine foèrt grande doleur
Et qui l’ci qui di s’mére l’âme divè Diu s’évole
Pièd tot çou qu’a st’ a pièd, caresses, plaisir, douceur
Ji n’a pus bon d’viquer, j’a st’in’ pône trop’ amére
Dépoïe qui Diew m’a r’pris, qui Diew m’a r’pris m’bonne mére
Dépoïe, dépoïe qui Diew m’a r’pris m’bonne mére.
Mimbe dè l’Royâle Légia.