Djë voûro bén
M’aler pormwin.ner
Dins më p’tit bwès d’ sapéns…
Parèt’rot qu’ë-n-a vélà on lè
Quë vos mougnerot à r’lètche dwègts.
C’èst dès prautes à n’ ni crwêre,
Më dj’ m’è foû, c’èst ni m’n-afêre.
Dj’î voûro bén
M’î aler pormwin.ner,
Mins djë n’a ni l’ timps…
D’abôrd, quë ça m’ costéye
Dë d’meurer rèssèré tote lë djoûrnéye
Po dès mënéyes à n’ ni crwêre,
Më dj’ m’è foû, c’èst ni m’n-afêre.
Djë vouro bén
Mins, n-a todë on’ oucha
Quë m’ tchaît à spale à ç’ momint là…
Mès vîs solers quë chapenèt,
Lë djoû quë s’ pièd dins l’ naît,
Èt lès tiènes î sont skèrpës,
Adon djë taudje come aunawêre !
Djë voûro bén,
Djë sondje quë dj’ danse
Dins më p’tët bwès d’ sapéns
Avou m’ comére dins mès brès
Èle m’è donrè po totes mès swès
Djë sèro co pës bënauje quë lë rwè,
Djè l’ ratind, ça n’ taudjerè pës waîre…
Wikisourd:Depot/Lucyin/Veûy voltî
Racsegnes sol tecse metou dvins l’ depot| Tite | Veûy voltî |
|---|---|
| Oteur | Jacques Desmet |
| Date do scrijhaedje (do ratournaedje, do rortografiaedje, evnd.) |
|
| Date d’ eplaidaedje (so Wikisourd) |
|
| Depôzitaire | Lucyin |
Veûy voltî