On vwayageûr arive à Paris avou si tch’vå èt n’ tchèrète ; Avè cinq eûres al vièspréye, i va beûre on vèrre, èt pwis deûs, … treûs… mins quond i vént fou dè cabarèt, pus pon di tch’vå, nè d’tchèrète ; i wête tot costé, mins règne à fér, li tch’vå èt l’tchèrète ont disparètu.
Volà l’nêt qui toume, èt i fêt freûd qu’po-z-assoti.
Nosse-st-ome voût-st-aler à l’ ôtel po dôrmu, mins tos lès ôtels èstînent plins po lès fièsses di Noyé ; i n’aveût vrêymint pus moyén dè lodgî pèrsone.
C’èsteût d’ l’ivièr èt l’vwayageûr aveût bén trop sogne dè falu dôrmu à l’ouche. Binamé Bon-Diu, què va-dju fé ? disti.
I tûze on momint, èt volà qu’i lî vént l’idéye dè moussi à catchète divint eune ôtel èt di s’catchi pa-d’zos on lét.
Et insi va.
Mins l’tchombe aveût sti louwéye à une djôn.ne cope qui f’seûve si toûr di noces !
So l’côp d’doze eûres, lès djon.nes mariés r’toumèt èl colibère.
Nosse-st-ome, catchi pa-d’zos l’ lét, wête dè n’pus fé nou brût èt i n’ wasse pus boudgî d’on milimète.
Lès djins s’mètèt è leû lét, èt k’mincèt à s’dîre tot’ sôr di bias mots d’amoûr.
A on momint d’né, volà l’ djône marié qui dit à s’ fème : « Dans tes yeux, je vois Paris tout entier, je vois Notre-Dame et son clocher, je vois la Seine et tous les ponts, je vois toutes les petites rues si sympathiques de la grande ville, je vois… »
« Et bén, disti nosse voyagêur, si t’veût tot çà, dîs-m’ à galop ouc’ qu’ èle èst m’tchèrète. »
Histoire racontée en août 1957 par les gamins du Patro de Thisnes, au camp à Maboge (La Roche).